زولفیه

زولفیه آغرین الیم بیر کرمی چال
آچیلسین دویمه لر یار کؤینه یینده
له له سی ارزروم داغیندا قالان
کرم آختاریرام قار کؤینه یینده
پیسین قیسمتینی یاخجی یا یئتیر
یاندی ساری عاشیقین یارا یئتیر
بو سکمه کؤنلومو یاغیشا یئتیر
قووشدور کوراوغلو قور کؤینه یینده
اؤلوم حاق ایشی دیر فلک دن گلیب
غم منیم جانیما آی باجیم فلک دن گلیب
یاخجی لار اله نیب الک دن گلیب
یاندیر یامانلاری نار کؤینه یینده
زیاد خال اوغلونو یاندیر زولفیه
کئچیشدیر سیمینی سیندیر زولفیه
نادانی ناکسی قاندیر زولفیه
بلکی دویمه لنه آر کؤینه یینده
دونیادا گؤزللیک اون دور دئمه دیم
دوروخون دوققوزو دوندور دئمه دیم
ائله یانمییانا جان دیر دئمه دیم
اوتانیم اوتانار وار کؤینه یینده
مارالی قارلی داغلاردان

جئیرانی چؤلدن خبر آل
ککلیکی داش دان قایادان

سونانی گؤلدن خبر آل
هر دوشونجه بیر باشیم دی
شاختا بوران سیرداشیم دی
قارا بالیق بایقوشومدو
بلبلو گول دن خبر آل
یار یاری سئوسه اوره کدن
ال گؤتورمز خوش دیلک دن
بیله وزیی آغ بیلک دن
شانه نی تئل دن خبر آل
آی ترلانیم اویما سارا
زولفون منی چکیب دارا
آکیف سن سه دوز ایلقارا
زولفیه نی ائلدن خبر آل
بئله آقالاری ائلدن خبر آل
بو ماهنی یوتیوب دا بوردان قولاق آسین*