گئنه گلدی یاز آیلاری
بلبل گوله ناز ائیله ییر
سئویرم سؤزون دئمه یه
دوداق دیله ناز ائیله ییر
بنووشه لر الینده دیر
گل لباسی اینینده دیر
گوموش کمر بئلینده دیر
بدن گوله ناز ائیله ییر
کرم تک یانان اولماشام
اوره یی آل قان اولموشام
گؤرور یاری جان اولموشام
ظالیم قیزی ظلم ائیله ییر
قاشی دردیمین چاراسی
گؤزومون آغی قاراسی
قاش قاباق لا یوخ آراسی
یئریشی دوروشو غمزه لی گؤزل
هانسی بخته وره پای یارانیبسان؟
یئرده برابرین وار ، دییه نمرم
گؤیده ملک لره تای یارانیبسان
منی بند ائیله دی عشقینین تورو
گؤزلرین جان آلیر، چشمه دن دورو
سپه لیر اوستومه گونشین نورو
اولدوز یارانیبسان آی یارانیبسان
قورچاغین آیناسین چالاندا بیلدیم
عاغلیمی باشیمدان آلاندا بیلدیم
آلتایی بو حالدا اولاندابیلدیم
عاشق داشان جوشغون چای یارانیبسان
**
آی منی درده سالان اوغلان
سن گئت اوغلان من سنین ام
سحرین دان اولدوزویام
عاشقلر صحبت سازی یام
ماحمود پاشانین قیزی یام
سن گئت اوغلان من سنین ام
گلزارام اوللام دلی
دادیمیزا یئتیشسین علی
اؤزگه سینه دئمه م ولی آلتای
سن گئت اوغلان ممن سنین ام
**
بو بیر ملک دی می گؤیلردن گلیب
گؤزلری چشمه دن دورو گؤزلدی
یئریشی جیراندی باخیشی مارال
گونش چئوره سینه نورو گؤزلدی
نئجه سیغال چکیب تئله بخته ور
ائیله بیل بال قاتیب دیله بخته ور
هر کیمه یار دئییب ائله بخته ور
سالسا کمندینه تورو گؤزلدی
سینه سی بیاض دی داغلار قاریندان
الهی بئزه ییب ناخیشلارینان
بیر پارچا اود قوپوب باخیشلارینان
یاندیرسا آلتایی ، قورو گؤزلدی
**
آلتای به ی
بیر دئی گؤروم نه دیر قصدین غرضین
حسرت قویماقدادی بو خالین منیم
آی نه چکمیسن چیله سینه کمانین
دئمیرسن سوزوب بوخاولا منی
یاخشی توخویورساندر منی سن سن
بیر دادلی میوه یم در منی سن سن
سویوق دیمه سین کی در منی سن سن
نازیک اللرین له بوخاللا منی
ذاکر دیه رکمک اولسون یارادان
تیز قورتاررام بو ساغالماز یارادان
منیم سؤزوم نییه گلیر یارادان ؟
اوولدن ائیله دین بو حالا منی
**
داغ دؤشونده بیر چیچک سن
اجازه وئر دریم سنی
عطرینی دویماق اوچون
سینه م اوسته سریم سنی
تئلیمه دون داراغیمدا
گونشه دؤن ساچلاریمدا
دور گؤزومون قاباغیندا
گونده مین یول گؤروم سنی
آلتایا باخ گئتمه دایان
حسرتیندن اوزولدو جان
اونوتمارام هئچ بیر زامان
قاراگؤزلو تریم سنی
**
ائله سنی سئوه گه یم سنین آجیغینا
یالنیز سنین اولاجایام
اوزویونده قاش اولاجایام
گؤزلرینده یاش اولاجایام
یولون اوسته داش اولاجایام
آئله سنین آجیغینا
من اؤزوم ائلچین اولاجایام
آتا آناندان آلاجایام
عشقین سلطانی اولاجایام
ائله سنین آجیغینا
دم دسگاهلی توی اولاجاق
عاشقلر میدان الاجاق
آلتای معلم به ی اولاجاق
ائله سنین آجیغینا
مقتلین وادی ماتم دی حسین
زلف اکبر کیمی درهم دی حسین
بو نه عالم دی حسین
بدنینده نه باشین وار نه الین
باجین اؤلسون بو نه عالمدی حسین
زینبین یاری حسین، یار و غمخواری حسین
گول وجودون هله قانه بورونور
بیر بیرینه یارالارین هؤرولور
بو نئجه
اوره گین بندی کورکدن گؤرونور
زینبم بی تو حسین می میرم
از همه اهل جفا دلگیرم
از عدو جامن تو پس می گیرم
دست و پا بسته
چشمم افتاده به دست تو حخسین
چه بلا آمده بر پیک تو
کیمه دردین دییه جکدون یارالی
غم اوخون سینه ده اکدین یارالی
کورگیندن نئجه چکدون یارالی
*
نوحه خوان - محمد باقر منصوری
آی قارداشیم، آی قارداشیم
گلمز سنه تای قارداشیم
آچ گؤزلرین سس وئر منه
گلدیم دییم آی قارداشیم
آی قارداشیم آی قارداشیم
اوج قبله گاهیندن ده ییب
تیر نگاهیندن ده ییب
اوچ شعبه بیر پیکان گلیب
دوز سجده گاهیندن ده ییب
بو یاره آنلیندان ده ییب
چشم سیاهیندان ده ییب
بو قانلی گؤزلردن منه
بیر بوسه وئر آی قارداشیم
آی قارداشیم آی قارداشیم
گلمز سنه تای قارداشیم
باخ آتش احساسیمه
اوت ویردیلار بیر قاسیمه
دونیانی توتسا قهرمان
چاتماز منیم قارداشیمه
اون گون محرم بیر یانا
بو غصه لی غم بیر یانا
مین قاره پرچم بیر یانا
بو قانلی پرچم بیر یانا
آنلین داکی اوخ بیر یانا
هئچ کیم سایانماز یاره وی
سایسان اؤزون سای قارداشیم
سروی گلر یئل سیندیرار
گل ساقه سین سئل سیندیرار
قتلگاها گلدیم دییم
قارداش غمی بئل سیندیرار
سیندی دلاور عسکریم
دوغراندی یکسر لشکریم
آسوده یات سندن سورا
زینب اولار سرلشکریم
آی قارداشیم آی قارداشیم
*
نوحه خوان: محمدباقر منصوری
ایلاهی شاهد اول اؤزون، من آغلیرام بالام گولور
باواش یاواش یومور گؤزون، من آغلیرام بالام گولور
آتیبدی حرمله اوخون، کمانی سالدی چینینه
الیمده بنزه دی بالام، یارالی بیر گؤرچینه
سالار اؤلونجه بویار، ربابی غم کمندینه
آناسی اؤلدورور اؤزون، من آغلیرام بالام گولور
چکیب اناسی آلتی آی، بو نازدانه نازینی
گتیردی کربلایه تا، آلا اؤز امتیازینی
نئجه آتار غم آتینی، نئجه اؤپر بوغازینی
دئسم چتین دی اوخ سؤزون، من آغلیرام بالام گولور
من اوغلومو گتیرمیشم، نیگتریما فدا ائدم
گرک عزیزیمین قانین، گؤیه سپم دعا ائدم
کی تا تمام عالمی ، بو عشقه آشنا ائدم
دئیم بالالارا دؤزون، من آغلیرام بالام گولور
نه سو وئریبدی حرمله، نه ده ترحم ائیله دی
چکم ده باغیانیلا، گولو تجسم ائیله دی
ائشیتدی فاطمه سسین، بالام تبسم ائیله دی
بهشته دؤنده ریب اوزون، من آغلیرام بالام گولور
من آغلیرام بو علته، آناسی منتظر قالیب
بالام گولور بونا گؤره، بهشت دن عطرینی آلیب
حرم قوشو قاناد چالیب، قولونو بوینوما سالیب
گؤروبدور عشق معجزون، من آغلیرام بالام گولور
کلامی تیکمه دی گؤزون، جهاندا شعر امیدینه
بالاسی گئتدی یارالی، شهید عشق دینینه
اؤزو گؤزونو باغلادی، کفن بیچیب شهیدینه
دئدی بالامدان ال اوزون،من آغلیرام بالام گولور
*
شاعر: استاد کلامی
نوحه خوان: سید طالع برادیگاهی
*
ای نوگل خندانیم، دور گئدک علی اکبر
قربان سنه بو جانیم اوغول
ای شبیه پیغمیر ، دور گئدک علی اکبر
ای لیلایه هم یاور، دور گئدک علی اکبر
آغلاییر بابام حیدر، دور گئدک علی اکبر
*
زخمی لرین گلمز سانا
زلف لرین باتیب قانا
عمه ن گلیب مئیدانا اوغول
دور گئدک علی اکبر
ای شبیه پیغمیر ، دور گئدک علی اکبر
ای لیلایه هم یاور، دور گئدک علی اکبر
آغلاییر بابام حیدر، دور گئدک علی اکبر
*
آچ گؤزلرینی بیرده
اولموشام چوخ افسرده
آدین قالدی دیللرده اوغول
دور گئدک علی اکبر
ای شبیه پیغمیر ، دور گئدک علی اکبر
ای لیلایه هم یاور، دور گئدک علی اکبر
آغلاییر بابام حیدر، دور گئدک علی اکبر
*
دشمن سالیب آرایه
سالدیلار بو صحرایه
لعنت بو دنیایه اوغو
دور گئدک علی اکبر
ای شبیه پیغمیر ، دور گئدک علی اکبر
ای لیلایه هم یاور، دور گئدک علی اکبر
آغلاییر بابام حیدر، دور گئدک علی اکبر
*
سن قورتاردین محنت دن
من آغلیرام فرقت دن
آمان بو مصیبت دن
دور گئدک علی اکبر
ای شبیه پیغمیر ، دور گئدک علی اکبر
ای لیلایه هم یاور، دور گئدک علی اکبر
آغلاییر بابام حیدر، دور گئدک علی اکبر
*
گلدیم سینه داغلییام
اوغول دئییب آغلییام
گؤزلریوی باغلییام
دور گئدک علی اکبر
ای شبیه پیغمیر ، دور گئدک علی اکبر
ای لیلایه هم یاور، دور گئدک علی اکبر
آغلاییر بابام حیدر، دور گئدک علی اکبر
*
آخیبدیر اوغول قانین
چوخ چتین دیر هجرانین
آز قالیر چیخا جانیم اوغول
دور گئدک علی اکبر
ای شبیه پیغمیر ، دور گئدک علی اکبر
ای لیلایه هم یاور، دور گئدک علی اکبر
آغلاییر بابام حیدر، دور گئدک علی اکبر
*
نوحه خوان: سید طالع برادیگاهی
هارداسان ای روح – روانیم
حسین
مایۀ آرامش جانیم حسین
ای شاه کربلا
تیکمیشم گؤز یولا
آماندی قارداش
*
یوخ باجیوین آیریلیغا طاقتی
قویما قالا قلبیده بو حسرتی
بیرده گؤروم کاش او گؤزل صورتی
یولدا قالمیش گؤزوم
وار سنه چوخ سؤزوم
آماندی قارداش
*
قویما منی بوتۀ محنت ده گل
یوخ کمکیم گوشه غربت ده گل
لطف ائیله بو آخر ساعت ده گل
گل هرایه حسین
گل عزای حسین
آماندی قارداش
*
یوخ گؤزومو باغلییانیم هارداسان
یوخدو اورک داغلییانیم هارداسان
غملریمه آغلییانیم هارداسان
گل اؤلور زینبین
جان وئریر زینبین
آماندی قارداش
*
شام ده گریان دی باجین، یا حسین
گل او ره یی قاندی باجین، یا حسین
طالیبی جاناندی باجین، یا حسین
عاشقم من سنه
قیل عنایت منه
آماندی قارداش
*
من زینبم غم تاق قوروب قاپیدا
غملر منه خیمه قوروب قاپیدا
رقیه کی اوزون قویور دیوارا
ائیله بیلیرم آنام دوروب قاپیدا
ای اولان اخراره شه مقتدا
سن باجیوین عشقیسن ای سر جدا
گل او گلن یوللارا جانیم فدا
گل حسین یالقیزام
یار و یولداش سیزام
آماندی قارداش
*
نوحه خوان - سید طالع برادیگاهی
*
آی ساچی بورما، اوزاقدا دورما
گل ای سئوگیلیم، بوینونو بورما
داغدا دومان یئری وار، یئری وار
قاشدا کمان یئری وار یئری وار
یاریم مندن اینجیمیش، دئییب دانیشمیر
گومان یئری وار
گوللو یازیمسان، خوش آوازیمسان
گل آی سئوگیلیم، تئللی سازیمسان
گل آی گولوم ، باریشاق باریشاق
دئیه ک گولک ، دانیشاق دانیشاق
داغدا دومان یئری وار یئری وار
قاشدا کمان یئری وار یئری وار
یاریم مندن اینجیمیش، دئییب دانیشمیر
گومان یئری وار
*
اوخویور: فلورا کریم اوا
