میخاناچیلار: سامره – اوختای
گل قووشاق جانیم منیم
واردی اؤز اوغلانیم منیم
سئومیری هئچ نه یین اوجوزون
قاشی کامان ساچی اوزون
یوخدو الیندن بو قیزین
گونوم گوذارانیم منیم
گل قووشاق جانیم منیم
واردی اؤز اوغلانیم منیم
*
گور نه قدر کئچدی زامان
قووشماغا یوخدو گومان
آی اوختلای نه قدر جاوان
اولوبدو حئیرانیم منیم
گل قووشاق جانیم منیم
واردی اؤز اوغلانیم منیم
*
سامره دیر سنین آدین
نه دیر بس آرزون مرادین
من ائولی سن ارلی قادین
وار آخی وجدانیم منیم
گل قووشاق جانیم منیم
واردی اؤز اوغلانیم منیم
*
سنین له یوخدور ماراغیم
هر یئردن گلیر سراغیم
وار اریم آرخام دایاغیم
داماشلی دووشانیم منیم
گل قووشاق جانیم منیم
واردی اؤز اوغلانیم منیم
*
بئینیمی ائمیسن مازول
گئت گئدیرسن سه یاخجی یول
بیر بالاجا عاغیللی اول
آی دلی جئیرانیم منیم
گل قووشاق جانیم منیم
واردی اؤز اوغلانیم منیم
*
گلنده وئرمیشم سلام
وار سنه حرمت احترام
آد گونوندو منیم بالام
گه قوجوما مستانیم منیم
واردی اؤز اوغلانیم منیم
گل قووشاق جانیم منیم
واردی اؤز اوغلانیم منیم
*
سنی من اؤلونجن سئوه رم
محبتیمی گؤسته ره رم
یولوندا لاپ جان وئره رم
آذربایجانیم منیم
دور بورا گل جانیم منیم
واردی اؤز اوغلانیم منیم
*
بیر دونون وار قیساتمیسان
بورجون ایچینده باتمیسان
نئچه ایل تُربه یاتمیسان
جان آی کاترجانیم منیم
واردی اؤز اوغلانیم منیم
گل قووشاق جانیم منیم
واردی اؤز اوغلانیم منیم
*
سنی اؤزوم آداخلییارام
مندن کوسسون آغلییارام
دؤردون آلیب ساخلییارام
وار بئله امکانیم منیم
دور بورا گل جانیم منیم
واردی اؤز اوغلانیم منیم
*
عشق شرابین ایچمه لیسن
اؤلچمه میسن بیچمه لی سن
من خانیمام کئچمه لیسن
اولسادا نقصانیم منیم
گل قووشاق جانیم منیم
واردی اؤز اوغلانیم منیم
*
ایچیب بوغاز یاشلییارام
سونرا سؤزه باشلییارام
من خانیمی باغیشلییارام
وار ادب ارکانیم منیم
گل قووشاق جانیم منیم
واردی اؤز اوغلانیم منیم
*
اوختای سامره یان یانا
سس سالیب آذربایجانا
سنین له دئیینن مئیخانا
چوخ اولدو دوشمانیم منیم
گل قووشاق جانیم منیم
واردی اؤز اوغلانیم منیم
*
گؤزل لیک ده بیردنه سن
یالان دانیشدون منه سن
واختیمی آلدین گئنه سن
قیزیل دی هر آنیم منیم
گل قووشاق جانیم منیم
واردی اؤز اوغلانیم منیم
*
نه یاندیر نه ده یاخگینان
اؤزووی آز گؤزه سوخگونان
هردن گوزگویه باخگینان
آی جینیم شیطانیم منیم
گل قووشاق جانیم منیم
واردی اؤز اوغلانیم منیم
*
سن گئنه های هارای داسان
افیرده سن یا توی داسان
سن ایکین من بویداسان
اولگونان آخرانیم منیم
دور بورا گل جانیم منیم
واردی اؤز اوغلانیم منیم
*
کئچمیشیوی یادا سالیم
ایستییرم بوردا قالیم
گئدک سنه کوستوم آلیم
آی لوتو عریانیم منیم
واردی اؤز اوغلانیم منیم
*
دیمسین آیاغین داشا
گئت بیر اؤزگه سیله یاشا
گل منی دوشگونن باشا
وار عائله م آی خانیم منیم
گل قووشاق جانیم منیم
واردی اؤز اوغلانیم منیم
*
بوگور قالمایاق ده ییشک
نه دوست اولاق نه سئویشک
هله دئییسن گل گؤروشک
آخی وارآدیم سانیم منیم
گل قووشاق جانیم منیم
واردی اؤز اوغلانیم منیم
*
باخ بو سؤزون تاثیرینه
گل اوختایین تدبیرینه
باخمارام من هئچ بیرینه
قیز اولسا دؤرد یانیم منیم
قربان سنه جانیم منیم
گل قووشاق جانیم منیم
واردی اؤز اوغلانیم منیم
*
اختای سامره دوئتی
هرکسه وئردی لذتی
سن نظامی من مهستی
گل آی غزلخوانیم منیم
گل قووشاق جانیم منیم
واردی اؤز اوغلانیم منیم
*
چاغیرماسان بویورمارام
من هئچ ده آرا وورمارام
سنین له عائله قورمارام
لاپ اولا قربانیم منیم
گل قووشاق جانیم منیم
واردی اؤز اوغلانیم منیم
*
اوختایا من گووه نمیرم
هئچ ساسونون به ینمیرم
بونا کؤنول وئره بیلمیرم
لاپ اولسا درمانیم منیم
گل قووشاق جانیم منیم
واردی اؤز اوغلانیم منیم
*
No comments:
Post a Comment