گلمدی

اوخویان: شوکت علی اکبر اوا
*

آخار سولار دایاندی

قلبیم حسرتده یاندی

اوره ییمده درد قالاندی

ایلک گؤروشه گلمدی
*

کؤنلومده خوش اومودوم

آتش دن سه قوورولدوم

اؤز دردیمی اونوتدوم

ایلک گؤروشه گلمدی
* 

گون باتدی قاش قارالدی

قلبیمی غصه آلدی

گؤزوم یوللاردا قالدی

ایلک گؤروشه گلمدی

* 

آنامین لایلاسی

اوخویان: شوکت علی اکبر اوا

منه حیات وئرن او سس او صدا 

عؤمرومه گونومه یاراشیق اولوب

منیم چون گئجه نین قارانلیقیندا

آنامین لایلاسی بیر ایشیق اولور  

آنامین لایلاسی ایلک نغمه م منیم

آنامین لایلاسی ایلک شعریم منیم

آنامین لایلاسی ایلک آرزوم منیم

آنامین لایلاسی سئوینجیم منیم

آنامین لایلاسی گول چیچک اولور

عؤمور گونه شیمه سه پیلیر منیم

آنامین لایلاسی بیر اؤرتوک اولوب

گئجه لر اوستومه چکیلیب منیم

آنامین لایلاسی ایلک نغمه م منیم

آنامین لایلاسی ایلک شعریم منیم

آنامین لایلاسی ایلک آرزوم منیم

آنامین لایلاسی سئوینجیم منیم

من یاشا دولان ایللر او ایللر

عؤمروم اولایلانین شیرین باری دی

بلکی ده باشباشا قالان او ایللر

آنامیق یانیقلی لایلالاری دی

آنامین لایلاسی ایلک نغمه م منیم

آنامین لایلاسی ایلک شعریم منیم

آنامین لایلاسی ایلک آرزوم منیم

آنامین لایلاسی سئوینجیم منیم

* 

اونودا بیلمیرم

شاعر: نوروز گنجه لی
اوخویان: ربابه مراد اوا

آیری دوشدوک آیلار اولدو، ایل اولدو
عشقیم سن سیز بیر چاغلایان سئل اولدو
باغچا سالدیم، چیچک آچدی گول اولدو
نئیچون سنی بس اونودا بیلمیرم
*
مین رنگ وئریر باهار هر بیر چیچه یه
روح گتیریر هر قلبه هر اوره یه
من چاتیرام هر آرزویا دیله یه
نئیچون سنی بس اونودا بیلمیرم
*
دئییرلر کی یوخدور سئوگی محبت
بیر – بیرینه، قیز – اوغلان ائدیر عادت
دوغرودانسا، یوخدور اگر محبت
نئیچون سنی بس اونودا بیلمیرم
*

سئوه یدین باری

شاعر: حسین عارف
اوخویور: ربابه مراداوا

ایللرله من سنین اودونا یاندیم
باشقا بیریسینه میل سالمادیم
هر دیقه هر زامان آدینی آندیم
گؤزله دیم، گؤزله دیم
سندن من جواب آلمادیم
*
گؤزدن اوزاق اولوب، دوشمه دیم یادا
یالانچی محبت آلداتدی سنی
دؤزولمز آغیردیر، دوزو دنیادا
سن یاری سئوه سن، یار اؤزگه سینی
ندن دیر، ندن دیر، ندن دی
سئودین سن یار اؤزگه سینی
*
کیمدیر یانینداکی، تانی سن گؤزل
اونون نه عهدی وار نه اعتباری
ای منی به یه نیب، سئومه ین گؤزل
مندن یاخشی سینی سئوه یدین باری
سئوه یدین باری
*

دؤنه دؤنه

سؤز: اکرام علی اف
اوخویان: الماس اوروج اوا

تنهایام بو ائوده، سن چوخ اوزاقدا
باهار چیچه ییمیز قدر اوزاقدا
بیرداها دانیشیب گولمه ییم چتین
سونو ظولوم موش بو محبتین
سن منیم سئوگیمین قسمتین ایلکی
سن سیز بو حیاتیم – گونوم حیات دئییل کی
گؤزلریم یولوندا، داها قاییت گل کی
سنین له بو دنیا – عالم، ائله گؤزل کی
دؤنه – دؤنه عؤمرومه دنیا گتیر، گؤزل، تمیز
دؤنه – دؤنه دنیایا سئودا گتیر، گؤزل، تمیز
دؤنه – دؤنه سئودایا معنا گتیر، گؤزل، تمیز
دؤنه – دؤنه عؤمرومه سعادت گتیر
سندن اؤزگه دئییل کیمسه گره ییم
سن سیز زهر کیمی دوزوم، چؤره ییم
اؤزوم ده بیلمیرم نه علاجیم وار
گوجلو قوللارینا احتیاجیم وار
اِ بیر آخشام دا سن سیز گلیر
بیر ساباح دا سن سیز آچیلاجاق
آچیلاجاغیم؟
یوخلوغوندا آختاراجاغام سنی
حسرتیندن یانا – یانا یاشایاجاغام
گئتدیین یوللارین اوتونا، چیچه یینه دؤنه جه یم
قارانلیق ایچیندن گؤزلرینی گؤره جه یم
یالواراجاغام، قیشقیراجاغام، یاغیراجاغام
گل بسدی داها گل
*

پریشان ماهنی

اوخویان: الماس اوروج اوا
گوندوز گئتدی، گئجه گلدی، گؤرمدیم
راحات اولمور ندن بئله اوره ییم؟
گاه داریخیر، گاه سئوینیر، سینه مده
بلبل کیمیدیله گلیر اوره ییم
پئنجره مدن گؤز ائیله ییر اولدوزلار
اونلارین دا منه بلکه سؤزو وار
بولود اؤتدو، آی دولاندی اتاقدا
گؤی یارپاقلار پیچیلداییر بوداقدا
گاه دایانیر، گاه دؤیونور، سینه مده
بلبل کیمی دیله گلیر اوره ییم
دیله گلیر اوره ییم

 

سئوه رم تزه دن سنی

اوخویان: رشید بهبود اف
گل هارداسان
سن گئدندن
یاز عؤمرومو قار آلیب
بو دنیادا نه سئومیشم
هله اوره ییمده محبت قالیب
*
گل، گؤرمدیم او گئدن سنی
گل، اونوتمادیم من ندن سنی
گل،سئوه رم تزه دن سنی، گل
او گؤزل زامانلار کیمی گل
سئودالی جوانلار کیمی ، گل
سئوه رم تزه دن سنی، گل
*
بیر محبت آز اولاجاق
من یوخ اولسام، سن اؤلسن
قیش عؤمرومده یاز اولاجاق
منیم له بو گونومده قئییدیب گلسن
*
گل جوانلیق یوخوسو کیمی  
بنؤوشه قوخوسو کیمی، گل
سئوه رم تزه دن سنی
گل، چوخ اوزاق بیر قوناق کیمی گل
یولوما بیر چیراق کیمی گل
سئوه رم تزه دن سنی، گل
*
بیر محبت آز اولاجاق
من یوخ اولسام، سن اؤلسن
قیش عؤمرومده یاز اولاجاق
منیم له بو گونومده قئییدیب گلسن
سئوه رم تزه دن سنی، گل

* 

یارم

اوخویانلار: آقشین فاتح و نفس 

گؤزلرینین دولان گؤرنده، قان آخان بولود دئییرلر
بسدی داها فیکر ائله دین، اوره یینی اووود دئییرلر
سئومه یینه یوخدور اساس ، یوخدو آخی ثبوت دئییرلر
دؤنمه یه جک بوش وئر اونو، اونوت دئییرلر
*
اولمورکی یارم، یارم، یارم
دؤن گئری جانیم، گؤزوم، یارم
باغلانمیر درین دی، بو یارم
یوخدور کی چاره م، چاره م، چاره م
*
زنگیمه سن کلید ووروب، سوندو بودا، بیلیم دئییرسن
من ده نه ییم واردی آلیب، پارچالانیب سیلیم دئییرسن
یعنی کی روح سوز یاشاییب آیاق اوسته، اؤلوم دئییرسن
یعنی نه هئچ اولمامیش کیمی یئنه ده، گولوم دئییرسن
*
اولمورکی یارم، یارم، یارم
دؤن گئری جانیم، گؤزوم، یارم
باغلانمیر درین دی، بو یارم
یوخدور کی چاره م، چاره م، چاره م
*
ایندی قراریم دانیشیر ساکت اولوب دینمیه جم من
اؤیله بیر آتش لره سالدین کی، سؤنمویه جم من
یئنسه بولودلار یئره آرتیق، اییلیب ائنمیه جم من
گلسه اگر ترسینه دونیا ، گئرییه دؤنمویه جم من
*
اولمورکی یارم، یارم، یارم
دؤن گئری جانیم، گؤزوم، یارم
باغلانمیر درین دی، بو یارم
یوخدور کی چاره م، چاره م، چاره م
*
ظلمت ده شمع سیز پروانه یم
دوسلار دئییر کی دیوانه یم
یوخدور خبریم هئچ اؤزومدن
سن دئمه چوخدان ویرانه یم
*
اولمورکی یارم، یارم، یارم
دؤن گئری جانیم، گؤزوم، یارم
باغلانمیر درین دی، بو یارم
یوخدور کی چاره م، چاره م، چاره م
*

چاره سیز

اوخویان: آقشین فاتح

اسمین اوره ییمده دیر، عطرین ده تئلیمده
قاچانمیرام کی دایانیرسان گؤز اؤنومده
هر دفعه گؤتوروب ییغیرام سسیوی دویوم من
گئنه ده یاریمچیق کسیلیر زنگین الیمده
*
غرورونا یوخ سن منه ساری گلدین
آنارکن سنی بو گئجه یاری گلدین
گؤزله دیم کی اؤلوم گلر یا سن گله یدین
اؤلوم گلمدی گئنه سن باری گله یدین
*
ایندی چاره سیز باخیب سیر ائدیرم هجرانی
چاتماییر الیم سیلیم گؤزومده کی لئیسانی
هئچ زامان دوشونمه دیک، بیزهاردا سهو ائله دیک
بو سنین دی یا منیم غرورومون قربانی
*
دئمیشدیم سنه گئده نی ساخلامارام من
دؤنسه گئری بیرداها بئل باغلامارام من
او سن ایدین من ساغ ایکن دفن ائله دین یار
اؤلمه ین بیر انسانی توپراقلامارام من
*
غضب ده صبرین یئرینه دولدو مو یاریم
گولوم دییرکن لئچه یین سولدومو یاریم
هئی چکینه ردین آیریلیق کلمه لریندن
سونوندا ان قورخدوغون شئی اولدومو یاریم
*
ایندی چاره سیز باخیب سیر ائدیرم هجرانی
چاتماییر الیم سیلیم گؤزومده کی لئیسانی
هئچ زامان دوشونمه دیک، بیزهاردا سهو ائله دیک
بو سنین دی یا منیم غرورومون قربانی
*

آی قیز

شاعر: عاشیق شمشیر
اوخویان: سلیمان عبدالعلی اف

نییه مندن گئن گزیرسن؟
دولانیرسان گئندن آی قیز؟
پریشان قلبیمه دیمه
کوسر کؤنلوم سندن آی قیز
*
مشتاقام قلم قاشینا
دوروم دولانیم باشینا
پروانه تک آتش لره
یاندیم ازل گوندن آی قیز
*
شمشیر اوچون ارمغان سان
هم گؤزل سن، هم جوان سان
سن کی سرو خرامان سان
نه دئدیلر مندن آی قیز؟
*
مشتاقام قلم قاشینا
دوروم دولانیم باشینا
پروانه تک آتش لره
یاندیم ازل گوندن آی قیز
*
حسرتینی چکدیم هر آن
دردین منی اَیدی پونهان
بیلمیرم کی سنه هر آن
نه دئدیلر مندن آی قیز
*
مشتاقام قلم قاشینا
دوروم دولانیم باشینا
پروانه تک آتش لره
یاندیم ازل گوندن آی قیز
*

سنی غملی گؤرنده

 اوخویان: سلیمان عبدالعلی اف

دولارام درده همدم، سنی غملی گررنده
اوره گیمی اوزر غم،  سنی غملی گررنده
بوران اولار قار اولار، ایشیم آهی زار اولار
منه دونیا دار اولار، سنی غملی گؤرنده
او گونش اوزی هردن، بورومه سین بولود چن
ساچلاریما دوشر دن،  سنی غملی گؤره نده
بوران اولار قار اولار،  ایشیم آهی زار اولار
منه دونیا دار اولار،  سنی غملی گؤرنده
اسر کولک دایانار، گؤیلر قارا بویانار
عاشیق اودلارا یانار، سنی غملی گؤرنده
بوران اولار قار اولار،  ایشیم آهی زار اولار
منه دونیا دار اولار، سنی غملی گؤرنده
*