ساماوار

سن سن منیم بو دونیادا
دولتیم واریم سماوار
سحر تئزدن قایناماسا
یاماندی حالیم سماوار
یانیندا حاضیر اولایدی
کره ائیله بالیم سماوار
*
نعلبکی ده قالدی کره
گئدیب گلن یوخ شهره
دوروم گئدیم توکنلره
شیرینیات آلیم سماوار
تانریدان دولت ایسته مم
بیر گؤزل اوتاغیم اولا
ایچینده مرمر حووضوم
گوزل باغچابانیم اولا
گونده اون -  اون بش آتینان
شاد گلن قوناغیم اولا
کابابلار چکیله شیشه
قوناقلار دوشه تشویشه
یاریملا اؤپوشه - اؤپوشه
بلکه اوندا عشقه دوشه
قاینییا ظالیم سماوار
*
سنین چایین ایچمییه نده
آشیقلارین سسی باتار
ایچینده دامباتی باتار
سازینی کنارا آتار
شاعیرلرده رسم بودور
سؤزونو قیمتلی سانیر
منیم آدیم آقاجان دیر
سؤزلریم دور و مرجاندیر
بو سینه م دریا عوماندیر
گئجه گوندوز درسین وئریب
بیر بؤیوکونوعالیم سماوار

*

اوخویانلار:
آقاجان
عاشق محبوب خلیلی