2013-09-02

الیم چاتمیر مزارینا آی آتا




آللاهدان سونرا آند یئریم جانیم آتام گؤزوم آتام
کؤچوب گئتدین سون منزیله سن سیز گولمز گؤزوم آتام 
سن یانار چیراغیم ایدین ان ایستی قوجافیمیدین
هم آرخام دایاغیمیدین سن سیز نئجه دؤزوم آتام
اؤلومونده ائل آغلادی یئر آغلادی گؤی آغلادی
اجاغیندا غم چاغلادی ، دردین دوزوم دوزوم آتام 
مرارتدن بو حالیم دا ، دؤزمه ییرم یوخلوغونا 
کعبه  کیمی مزارینا قربان اولوم اؤزوم آتام
مزارینا دیز چؤکرک آغلاردیم
چیچک لری باشدان باشا باغلاردایم
سونرا گؤزو یولدا قالا قالخاردیم
الیم چاتمیر مزارینا آی آتام
حسرت لییم اؤز یوردوما آی آتام
یوخولاردا روحونلا گؤروشورم
دیز چؤکورم اللرینی اؤپورم
نه دن سنی هر واخ کوسکون گؤروم
بوماجران  ندیر بیلمم آی آتام 
الیم چاتمیر مزارینا آی آتام
حسرت لییم اؤز یوردوما آی آتام 
*
اوخویان : کؤنول خاسی اوا
*

No comments:

<$BlogPageTitle$> - <$BlogDescription$>" /> < <$BlogMetaData$>