داغ آیری دومان آیری
قاش آیری کامان آیری
ایریلدیق آیری دوشدوک
گه زه ک بیر زامان آیری
*
کامان یولا سوزولدو
خومار گؤزلر سوزولدو
نئجه من آغلاماییم
الیم یاردان اوزولدو
*
بنؤوشه قوطودادی
خومار گؤز یوخودادی
غم یئمه دلی کؤنلوم
مطلب وئرن خودادی
*
عاشق عاشقه باغلار
اومود عاشیقه باغلار
بلبل اؤلدو گل سولدو
قالدی باشینا باغلار
*
عزیزینم خزل دیر
یارپاق تؤکن خزل دیر
وطن ویران اولسادا
گئنه ده چوح گؤزل دیر
*
اوخویان : الناره عبدالعلی اوا
*
No comments:
Post a Comment