2013-10-31

سن منی سئومه سن ده



باخیشلارین ایز سالیب
اوره ییمده باسقی تک
عشقیمین قوجاغیندا
خاطره م وار بیر اتک
آغزیمدا قوروسادا
دیله دییم سون دیلک
هر ایل باهار گلنده
داغلارا چن دوشه نده
سئوه جه یم من سنی 
سن منی سئومه سن ده
اته کلردن آق گونش
 پنجره سین آچاندا
داغلار قیزیل لاله دن
گول دؤشونه ساچاندا  
تارلالاردا سنبل لر
یئلکن کیمی اوچاندا
سرین یئل لر اؤپنده
گول یاناغین چمن ده
سئوه جه یم من سنی 
سن منی سئومه سن
*
بوز بولاغلار چیچک دن  بویون باغی دوزه نده
زمرود دالی سویودلر گؤی سولاردا اوزنده  
یاماج لاردا بنؤوشه دوداقلارین بوزنده
بلبل لر اوخویاندا قارانقوشلار اؤتنده  
سئوه جه یم من سنی  سن منی سئوه سن ده  
*
 اوخویان : جعفر احمدی
*

No comments:

<$BlogPageTitle$> - <$BlogDescription$>" /> < <$BlogMetaData$>