گئت

 گئت
اوخویان: آقشین فاتح

منه ائله باخما، داها بو اوزون قالمییب کی گئنه آیاغیما دوشوب گئتمه یین دیله ییم، بیرده کی من آرتیق آلیشمیشام جانیم، بو گئدیشله بو آیریلیغلا اؤزومه اؤزومه یاخلاشدیرمیشام، داها ایتیرمه یه اونسوز دا بیر شئیم قالمییب، دوسلاریم وفاسیز سن ده کی بئله، آما گئتمه میشدن اؤنجه گؤزلریمه یاخشی – یاخشی باخ، چونکو بیرداها سنی سئون گؤزلری گؤرمویه جکسن، نفرت دن باشقا هئچ بیر شئی قالمییاجاق، من ده اوره ییمه داش باغلییب گئنه ده اوخویاجاغام، گئت سن ده گئت.
*
بوغولورام قهردن گناهلاریمدان
گونش ده یوخ آرتیق ساباحلاریمدا
نه جور کی سئوگینه احتیاجیم وار
اوجورده دؤزمه یه جسارتیم وار
گئت گئت ، سن ده گئت ، گئدنلر کیمی
اونودارام سنی ده من اؤتن لر کیمی
یاسینی ساخلارام اؤلن لر کیمی
یالاننان آغلارام سئون لر کیمی
*
گونش هر گون دوغار گئنه باتار، صبحی گئنه دن قاییدار، یاغیشلار یاغارسونرا گؤیلره چکیلر، یئنه دن تورپاغا قاییدار، سن نه گونش کیمی نه یاغیش کیمی گئت، گئدیرسن سه اؤلن لر کیمی گئت، سن ده آرتیق منیم اوچون اؤلدون، اؤلموش ساییلارسان، گئت همیشه لیک گئت.
*
سئوینجین اؤزگه نین غم منیم اولدو
من کیمه دوست دئدیم دشمنیم اولدو
ایندی ده سن منی تنها قویورسان
یارامین اوستونه یارا وورورسان
گئت گئت ، سن ده گئت ، گئدن لر کیمی
اونودارام سنی ده من اؤتن لر کیمی
یاسینی ساخلارام اؤلن لر کیمی
یالاننان آغلارام سئون لر کیمی
*
دنیا ازلدن بئله دیر، بیر گون گلن بیر گون گئدر، ایندی سن گئدیرسن، بیر گون من ده گئده جم، گئنه ده کوهنه حامام کوهنه تاس، بلکه ده اطرافیندا کی داشلارلا آیاغا چیخسایدین ، اونلارلا گئتسئیدین ، گئت من  تک لییه اؤرگشمیشم، گئت.
*

گئت گئت، سن ده گئت، گئدن لر کیمی
اونودارام سنی ده من اؤتن لر کیمی
یاسینی ساخلارام اؤلن لر کیمی
یالاننان آغلارام سئون لر کیمی

*