2013-08-19

گؤزلرین



نه باخیرسان اوغرون – اوغرون

بویلانیر هارا گؤزلرین

من دؤزموشم یوللارینا

باخماییر یارا گؤزلرین

او گؤزلرین او گؤزلرین

باخماییر یارا گؤزلرین

سرمه چکیبسن قاشینا

سئوگی قاتیبسان آشینا

حسرتین باغریم باشینا

ووروبدور یارا گؤزلرین

ائله دئییر دئدیغینی

زهر ائلیر یئدییمی

نئچه – نئچه سئودیینی

چکیبدی دارا گؤزلرین

او گؤزلرین او گؤزلرین

باخماییر یارا گؤزلرین

زهره اورک آلیشدیریر

فیکیرلری قاریشدیریر

کوسن لری باریشدیریر

دوزه لدیر آرا گؤزلرین 
*

شاعر : زهره خلیلی
اوخویان : عاشیق تئللی بورجالی
*

No comments:

<$BlogPageTitle$> - <$BlogDescription$>" /> < <$BlogMetaData$>