دوشه نده طره‌ی دلبر خیاله آخشاملار
محبّت اهلی باتار، مین ملاله آخشاملار
شکسته بولبوله بنزه‌ر بلا چکن عاشیق
گولوندن اؤتری ائدر آه و ناله آخشاملار
گونوزلر عاشیقه طعن ائتمه کی، گولوب دانیشیر
سالار فراقین، اونی گور نه حاله، آخشاملار
دوشه نده زولفون اوزه، قاشلارین خیاله دوشر
باتاندا گون، باخار عالم هیلاله آخشاملار
شرابی یارسیز ایچمده ، بیر آزدا غم گتیره‌ر
گول اوزلی یار ایله اول ، هم پیاله آخشاملار
بیر اؤزگه لذّتی وار، عاشیقه معشوقه
رقیب سیز اولا محرم ، وصاله آخشاملار
میسّر اولماسا گوندوز سنه شراب ایچمک
اوُنوتما، واحد، اونی لامحاله آخشاملار!
شاعر: علی آقا واحد
*
اوخویان : جاوید تبریزی
*
No comments:
Post a Comment