قورخورام

گئتمه مندن اوزاغا
گؤزلریمدن قیراغا
چونکو سنی من سنی
ایتیرمک دن قورخورام
اجلیمدن قورخمورام
من ظولومدن قورخمورام
من اؤلومدن قورخمورام
حسرتیندن قورخورام
قورخورام کی آییرالار
سنی مندن منی سن دن
بیر بیریندن قوپارالار
ینب مندن منی سن دن
گؤتوره لر آپارالار
سنی مندن منی سن دن
برک - برک اصرارلاریندان قورخورام
بیرده گلمه یه جه ییندن قورخورام
هر سه فر سن دوروب گئدیکدن سورا
بیرده گئدیب گلمه یه جه ییندن قورخورام
هر سه فه ر گؤزومو یوموب آچاندان سورا
بیرده سنی گؤرمویه جه ییمدن قورخورام
ائشیده رلر بیلر لر
آرامیزا گیره للر
آدینی من دیلیمه
گتیرمک دن قورخورام
سن گولورسن گولورم
گؤز یاشیمی سیلیرم
سونو یوخدو بیلیرم
حسرتیندن قورخورام
اییرانلار یاناجاقلار
سنی مندن منی سن دن
گؤره نده اودلاناجاقلار
سنی مندن منی سن دن
همیشه قیزقاناجاقلار
سنی مندن منی سن دن
اوخویان : آقشین فاتح

جئیران خانیمین مجلیسینده اوخونان ماهنی لار

ائولری کؤنده لن یار

منه گول گؤنده رن یار

گولون یارپیزا دؤنسون

مندن اوز دؤنده رن یار

*

حسرتینده یم

نئچه واخدیر اوزونون حسرتینده یم گؤزلیم
چوخ اوزاقلارداسان نه ائدیم سنه چاتمیر الیم
ظالیم ایریلیق بیزی قویمادی یئته ک وصالا
سنی بیلمیرم منی یامان سالیبدی حصارا
او سن لی گونلریمی سالاندا هر گون یادا من
تک قالیب ظولمون الینده گلیرم فریادا من
اومودوم یوخدو نه واخ سا گؤره ره م بیرده سنی
حسرت دولو گؤزلریم آختاریر هر یئرده سنی
قولاق آس ایندی نه لر چکدیغیمی آل نظره
دسته یی قویما یئره قویما یئره قویما یئره
یاشادان تکجه سه سیندیر منی درد وئرمه منه
اونو چوخ گؤرمه منه یار اونو چوخ گؤرمه منه
آیریلیق محنتی هجران عذابی بیر بو قدر
نه بیلئیدیم ائده جک کؤنلومه تاثیر بو قدر
بو سبب دن ده سه من سئومه یه یوخدو اومودوم
ائله بیلسئیدیم اگر من سنی هئچ سئومه زدیم
نئینه ییم اولمادی خوشبخت لر آراسیندا یئریم
سنی خوشبخت اولاسان بیر قولو آلسین مورادین
سنده سؤیله منی دویسون اوره گیندن کئچه نی
یاددان چیخاتما سه سیندیر یاشادان تکجه منی
قولاق آس ایندی نه لر چکدیغیمی آل نظره
دسته یی قویما یئره قویما یئره قویما یئره
یاشادان تکجه سه سیندی اونو چوخ گؤرمه منه
اونو چوخ گؤرمه منه یار اونو چوخ گؤرمه منه

اوخویان : ائل سئوه ر

**

گل گل مارالیم

تانریم منی قوش ائیله
قانادیم گوموش ائیله
یاریم گلیب کئچنده
اونو منه توش ائیله
*
گل گل مارالیم گل
گل گل مارالیم گل
*
گلیردی سوزه - سوزه
قیزیل گول اوزه - اوزه
یار منه قاش گؤز اتدی
تئللرین دوزه - دوزه
*
گل گل مارالیم
گل گل مارالیم
*
عاشق مینایه گله
تاریم مینایه گله
کوسموشم باریشمارام
گؤیدن مین ایه گله
*
گل گل مارالیم
گل گل مارالیم
*
اره ییم باشین اویما
یاردان آرالی اولما
اوخو جئیرانیم اوخو
جانیم یارالی قویما
*
گل گل مارالیم
گل گل مارالیم
*
اوخویان : عاریف بابایوف

*

نییه سئودیم سنی من

نییه سئودیم سنی من

آه

نییه سئودیم سنی من
نییه اغیاره اویوب اودلارا سالدین منی سن
او شیرین وعده لرین تکجه ایناندیردی منی
سوندا بیلدیم کی یالاندی ائله یاندیردی منی
ائله یاندیم ائله یاندیم کی کولوم گلمز اله
یانماییب بلکی بیر اینسان بوجور آتش له هله
سنه من کؤنلومو وئردیم منه سن غصه کدر
منی سن پئشمان ائدیب سئومییه جکدین سه اگر
نییه سئودیم سنی من آه
نییه سئودیم سنی من
نه قدیر درددلی اولارمیش به ایناندیم نییه من
یامان درددلری اوست اوسته چکیرسه اوره ییم
بو قدیر درد منی یازیق نئچه چکسین بو اوره ک
سن اونو تنها قویوب بیر گئجه چیخدین گئتدین
نئجه قییدین اوره یه سن نئجه چیخدین گئتدین
نه قدیر آیری دا اولساق سنی من چوخ سئویرم
بو یاراشماز کی منه ، سئودییمه اوز چئویرم
یومارام گرزلریمی هر سنی ائتدیکجه خیال
هر شئی آیدین گؤرونور کؤلگه سالیر تک بو خیال
نییه سئودیم سنی من آه نییه سئودیم سنی من

اوخویان : ائل سئوه ر
*

چرا عاشقت شدم
چرا عاشقت شدم آه چرا عاشقت شدم
چرا فریب اغیار را خوردی و در آتشم انداختی
تنها با وعده های شیرین باورش کردم
بعد که وعده های دروغت را دیدم ، چنان سوختم
چنان سوختم ، چنان سوختم که خاکسترم ناپیداست
تاکنون هیچ انسانی چنین نسوخته است
من دلم را به تو دادم و تو غصه و غم را
نمی دانستم که مرا دوست نداری و پشیمانم خواهی کرد
چرا عاشقت شدم آه چرا عاشقت شدم
چقدر دردناک است که باورت کردم
دلم چه تلخ درد پشت درد را تحمل می کند
این هم درد را طفلک دلم چگونه تحمل کند
شبی دلم را تنها گذاشته و رفتی
چگونه دلت راضی شد به این دل عاشقم
که تنهایش گذاشتی و رفتی
جدا هم باشی خیلی دوستت دارم
این برازنده من نیست که از عشقم روی بگردانم
هر وقت که به تو می اندیشم چشمانم را می بندم
همه چیز روشن است ، تنها این سوال بر دلم سایه می افکند
که چرا عاشقت شدم
آه
چرا عاشقت شدم

*

اما من واست می مردم = اما من سنین ایچین اؤلوردوم

بی تو هر شب غممو به خلوت خودم می بردم
خبری از تو نبود و لحظه ها رو می شمردم
وقتی شب سحر می شد به بیقراری
خودمو به دست گریه می سپردم
گله و شکایتی از تو به لب نمی آوردم
تو به یاد من نبودی اما من واست می مردم
اما من واست می مردم
*
اؤزگه دن دویوب سنی سئومک من ایسته دیم
طالعیم بس نیه اوزومه گولمه دی
سن منیم عشقیمی ایله نجه بیلیردین
آما من سنین ایچین اؤلوردوم
*
اما من واست می مردم
یه شبی بی تو تو دفترچه قلبم
اونجا که آخر عشق و سرگذشته
زیر اسم خودمون واست نوشتم
راست می گی که اون گذشته ها گذشته
تو منو با دریا دریا اشک چشمام نمی خواستی
آخه تو بیشتر از اون گریه من گریه می خواستی
اما من واست می مردم
*
آما من سنین ایچین اؤلوردوم
بیر گئجه تنهائیدیم من دوشوندوم
به نئجه بس آرزوموز اوره ک ده قالدی
عکسیوین آلتیندا دوردوم گؤزلیم یاندیم
اسدی روزگار باغچامیز بیر آندا سولدو
سنین اوچون آه دریا – دریا گؤز یاشیمی من آخیتدیم
آخی نئیچون عشقیمی سن خزل تک تورپاغا آتدین
سن منیم عشقیمی ایله نجه بیلیردین
آما من سنین ایچین اؤلوردوم
*
اوخویانلار : مرحوم هایده - جواد رجب اف

*

یوتیوب دان بوردا قولاق آسین

*

سن سن سن

آیدین گئجه ، سرین گونش ، گؤی چمن
دؤرد یانیمیز عطیر ساچیر یاسمن
آنجاق منی حیرت لره غرق ائدن
نه چمن دی ، نه چیچک دی
نه چمن دی ، نه چیچک دیسن سن سن
سن سن سن
سن سن سن آی گولوم
سن سن سن
بیر سؤز آخیر دوداغیما دیلیمدن
جانان دئییر جان بیلیرم سنی من
گئجه گونوز بو سینه می دؤیورن
نه کؤنول دو ، نه اوره ک دی
نه اوره ک دی ، نه کؤنول دوسن سن سن
سن سن سن
سن سن سن آی گولوم
سن سن سن

*

اوخویان : زینب خانلار اوا

*

عشقین وار اولسون

شاعر: فکرت قوجا
*
گئجه کئچیر هله یانیر ایشیغین
اودلانیرام عاشیقینم عاشیقین
اولدوزلاردا بو آخشام سندن دانیشدی
آی دا پنجره میز ده یاندی آلیشدی
یوخون شیرین سئوگیلیم عشقین وار اولسون
سنین عشقین بختین دئییم وار اولسون
اولدوزلاردا بو آخشام سندن دانیشدی
آی دا پنجره میز ده یاندی آلیشدی
گئجه کئچیر اولدوز اولور گؤزلریم
دان یئرینده دایانارام گؤزله رم
خئیر اولسون ساباحین اویان سئوگیلیم
گونش کیمی افق دن بویلان سئوگیلیم
اولدوزلاردا بو آخشام سندن دانیشدی
آی دا پنجره میزدن یاندی آلیشدی

اوخویان : شوکت علی اکبراوا

*

گئت سنی تاپشیریرام آللاها

سن بئله دئییلدین قاباقلار
یادیندان چیخیب می او چاغلار؟
سئوگیمیزین لذتینی
محبتین قیمتینی
هر بیر شئی دن توتاردین قاباق
سن کی منی ده ییشمیسن
اؤزگه سیله گؤروشموسن
گئت سنی تاپشیریرام آللاها
نه جور جسارت ائتمیسن
منه می خیانت ائتمیسن
گئت سنی سئومیرم من داها
قدیمنن قالیب بو روایت
اولوبدو ائلشن ده متانت
اولار چااتیبدی کامینا
اؤز محبتی نامینا
حتی باش ایمییبلر شاها
سن کی منی ده ییشمیسن
اؤزگه سیله گؤروشموسن
گئت سنی تاپشیریرام آللاها
نه جور جسارت ائتمیسن
منه می خیانت ائتمیسن
گئت سنی سئومیرم من داها
سیندیریب آتمیسان اوره ییمی
سن یئره وورموسان کوره ییمی
منی اؤزگه یه ساتمیسان
آیاقلار آلتدا آتمیسان
سن منی سالمیسان غم داغا
سن کی منی ده ییشمیسن
اؤزگه سیله گؤروشموسن
گئت سنی تاپشیریرام آللاها
نه جور جسارت ائتمیسن
منه می خیانت ائتمیسن
گئت سنی سئومیرم من داها
وار دولت توتوب گؤزووی
ایتیردین منی هم اؤزووی
سن عاغلینا گتیرمیسن
بلکی ده هئچ سئومییرسن
دوشموسن ایرنج ایشه داها
سن کی منی ده ییشمیسن
اؤزگه سیله گؤروشموسن
گئت سنی تاپشیریرام آللاها
نه جور جسارت ائتمیسن
منه می خیانت ائتمیسن
گئت سنی سئومیرم من داها

اوخویانلار : آقشین فاتح - ائلشن خزر

*

مشهدی عباد - 4

من من نه قدر قوجا اولسام دا

دیه رم مین جاوانا
چؤره یی یئمه رم من یاوانا
یاخجی دئمه رم من یامان
قوربان ائده رم من جانانا
مالیمی پولومو جانیمی من
گل خانیم گل یانیما
گل جانیم گل یانیما
گل یاریم گل یانیما
گل من اؤلوم من اؤلوم گل
گل من اؤلوم من اؤلوم گل
آ قوزوم گل یانیما
جانیمی وئره رم من یاریما
قوربان ائده رم من یاریما
مالیمی پولومو جانیمی من

*

مشهدی عباد - 3

مشهدی عباد - حامبال
آی دوشدوم جاندان
ال چکمیشم جانیمدان
اوقدیر باشیمی ایتیرمیشم کی
آدیم چیخیب یادیمدان
ایشلریم هامیسی ظولوم گئتدی
آت آختاریردیم کولوم گئتدی
جاوان قیزا بئل باغلادیم
بئش مین مانات پولوم گئتدی
آی مشدی عباد هارا گئتدی
نیه گلدی هارا گئتدی
سنین بئش مین مانات پولون جهنم
آ ده ده م قربان آ ننه م قربان
به منیم بیر عابباسیم هارا گئتدی

*

مشهدی عباد - 2

مشهدی عباد ، قوللوقچو صنم ، گلناز خانیم

حسنو باغیندا گزه سن گولو ریجان دره سن
سن کیمی بیر گؤزلی باغین ایچینده گؤره سن
باخاسان گول یاناغینا اولاسان مست خمار
دئیه سن هئچ بئله بیر ایش اولاماز سن اؤله سن
قوجا کافتار سنه اون بئش یاش اولان قیز نه گرک
قورخموسان کی سن اخیردا باشیوا گله کلک
سنه یوز یاشلی دول آرواد یاراشار آی ده یه نک
اوزونو ایت ده گؤره نده یالاماز سن اؤله سن
گؤرو رم کی منه سن چوخ یئتیریرسن اؤزونو
قورخورام کی سن آخیردا ایتیره سن اژزونو
ایستییرسن بو سؤزوندن دئیه رم لاپ دوزونو
سن کیمی بیر قوجایا قیز یاراماز سن اؤله سن
من کیمی بیر قوجایا قیز یاراشار سیز اؤله سیز
*

ساری گلین

ساچین اوجون هؤرمزلر؛
گولو سولو (قونچا) درمزلر
ساری گلین
بوسئودا نه سئودادیر ؟
سنی منه وئرمزلر
نئیلیم آمان ، آمان
ساری گلین
بو دره نین اوزونو،
چوبان قایتار قوزونو،
نة اوْلا بیر گون گؤرم
نازلی یاریمین اوزونو
نئیلیم آمان ، آمان
ساری گلین
عاشیق ائللر آیریسی،
شانا تئللر آیریسی،
آیریسی بیر گونونه دؤزمزدیم؛
اوْلدوم ایللر آیریسی
نئیلیم آمان ، آمان
ساری گلین
*

گلمه یه جه یم

اوخویان: بال اوغلان اشرف اف
شاعر: گولایه شینیخلی
*

چتین کی گؤرسن اوزومو منیم
دینله سون کلمه می سؤزومو منیم
سیل قوپارقلبیندن ایزیمی منیم
گلمیشم کی دییم گلمه یه جه یم
*
مندن نه آپاردین حلالین اولسون
جاندان جان قوپاردین حلالین اولسون
نه ییم وار آپاردین حلالین اولسون
گلمیشم کی دئیم گلمه یه جه یم
*
بختیمین آتدیغی غملی اوتویموش
عاشقین یا خیال یادا یوخوایموش
بو سئوگیم سنین چون سانکی یوخویموش
گلمیشم کی دئیم گلمه یه جه یم
*
مندن نه آپاردین حلالین اولسون
جاندان جان قوپاردین حلالین اولسون
نه ییم وار اپاردین حلالین اولسون
گلمیشم کی دئیم گلمه یه جه یم

*

برنمی گردم
سخت است که دیگر مرا ببینی
حرف اخرم را گوش کن
رد خاطراتم را از دلت پاک کن
آدم بگویم ، آمدم بگویم
برنمی گردم
تیر غمی بود که بر بختم فرود آمد
عشقت یا خیال یا رویا بود
عشقم گویی به خاطرت نبود
آمدم بگویم ، آمدم بگویم
برنمی گردم
هر چه از من بردی حلالت کردم
جان از جانم کندی ، حلالت کردم
هرچه داشتم بردی ، حلالت کردم
آمدم بگویم ، آمدم بگویم
برنمی گردم

*

سنین اوچون

قارلی داغلاری آشیب
گلرم سنین اوچون
گؤزوم یاشین عالمه
چیله رم سنین اوچون
حسرتین یانار سینه مده
سن اولایدین منه همدم
من بو فانی عالمده
اؤلرم سنین اوچون
سونوموز گیسه نهایت
اولماسان منه قسمت
گئنه تانریمدان سعادت
دیله رم سنین اوچون
حرستین یانار سینه مده
سن اولایدین منه همدم
من بو فانی عالمده
اؤلرم سنین اوچون
اوخویان : شفا لطیف قیزی
*

دئییل سن

نئیچون ارییرم من گیله - گیله

اودور سن قدریمی بیلن دئییل سن

دئییب دانیشسان دا سن گوله - گوله

بیلیرم اورک دن گولن دئییل سن
*

دوران دئیشمیش آخیر نفس

آلیبدی روحومو باشقا بیر هوس

منی بو قدیر آغلاتما بخته ور

سن کی گؤز یاشیمی سیلن دئییل سن
*

قلبیمله باجارماییرام

او بیر اود اولوبدو من ده بیر شامام

ایسته دیم گؤروشونه گئدم بو آخشام

یادیما دوشدو کی گلن دئییل سن
*

اوخویان : بال اوغلان

*

عیبی یوخ

هر اوغلانی یولدا گؤروب ساخلاما
او قیسمتین دئییرسه بئل باغلاما
پئنجه یی اینینه اولماسا آغلاما
سئون اوره ک کؤوره ک اولار عیبی یوخ
کؤنول سئون گؤیچک اولار عیبی یوخ
خیاللارین گرچک اولار عیبی یوخ
 بو شاختادا باخ بو ملت آخ قالا
بئله صحبت تئز یاییلار هر یانا
وارلی قیزی گئتسه کاسیب اوغلانا
یوز جوره صحبت لر اولار عیبی یوخ
خیاللارین گرچک اولار عیبی یوخ
سنه بیری اورک ده سئوگی بسلییب
منم صاحب پئنجه یین سه سلییب
بیر قوش کی غاز یئریشی یئرینه ایستییب
او ائله دؤنوب اوردک اولار عیبی یوخ
کؤنول سئون گؤیچک اولار عیبی یوخ
 قیافتده ایسته سه خیردا - خیردا
بیزدن اوزون چئویریب آخیردا
پئنجک هئچ کیمه اولماسا آخیردا
اؤز صاحیبینه پئنجک اولار عیبی یوخ
کؤنول سئون گؤیچک اولار عیبی یوخ
بیر اود اولسا بیری ده گرک سو اولسون
نه گئیسن ده قوی آدلی آرزی اولسون
مثل واردی او اولماسین بو اولسون
پئنجک اولمور کؤینک اولار عیبی یوخ
خیاللارین گرچک اولار عیبی یوخ 
پئنجک بیرینه بؤیوک گلیر بیرینه دار
قیز آییب دیر اوغلانی آز گز آختار
مثل واردی کی هر گؤزل ده بیر عیب وار
اولسا - اولسا تک - تک اولار عیبی یوخ
کؤنول سئون گؤیچک اولار عیبی یوخ 
ماشالله واردی دولتین هر شئین
باشقا خانیم لاردان اسکیک قیز نه یین
صاحبین تاپابیلمه سن پئنجه یین
اؤزگه سینه ایستک اولار عیبی یوخ
کؤنول سئون گؤیچک اولار عیبی یوخ
خیاللارین گرچک اولار عیبی یوخ 
کاسیب اوشاغینین یانیبدی بخت اولدوزو
تاپسا اونو خوشبخت اولار ان اوزو
مین اولا سنی سئوه شاه قیزی
قورخار دیلی پلتک اولار عیبی یوخ
کؤنول سئون گؤیچک اولار عیبی یوخ
گرک الدن وئرمئیدین یاریوی
گلیب ایسته مزدین اعتباریوی
ایندی اوتور چک اؤز انتظاریوی
باشقاسینادا اؤرنک اولار عیبی یوخ
کؤنول سئون گؤیچک اولار عیبی یوخ 
حیات همیشه سیخیر کاسیب یوخسولو
نیشانا اوزوک گرک دی یوخدو پولو
بو مسئله نین واردی بیر چیخیش یولو
قوهوم قارداش دستک اولار عیبی یوخ
کؤنول سئون گؤیچک اولار عیبی یوخ
اوخویانلار : نامیق قاراچوخورلو - ائلشن خزر
*

مشهدی عباد - 1

مشهدی عباد سن بیزه

خوش گلیب بیزی شاد ائله دین

بیر دئی گؤروم نولدو کی

نولدوکی بیزی یاد ائله دین

آی کیشی سن اؤل من سنی

هامی دان بئتر یاد ائله رم

سن قیزی منه وئر گینن

گؤر نئجه سنی یاد ائله رم

بیر دئی گؤروم سن منه

جیب دولوایسه پولیلن

گل سنه من قیز وئریم

نه ایشین واردی دول ایله

پول وئریم می؟

وئرگینن

قیز وئره سن می ؟

وئره رم

تئز وئریم می؟

وئرگینن

تئز وئره سن می ؟

وئره رم

دئی گینن سن اول

آی سن اول

بس ائلیسه وئر الینی

دئگینن سن اول

بو سن اول

بس ائلیئسه وئر الینی

*

فیلم مشهدی عباد با ترجمه فارسی

به کوشش پدرام رحیمی

در اینجا

*

بو گؤزل اؤلدوردو منی

قدی کامان بئلی نئی میش
آمان تانریم بو قیز نئیمیش
گؤزل اولماق گؤزل شئی میش
بو گؤزل اؤلدوردو منی
*
دؤندو گولون بوتاسینا
سالدی منی بلاسینا
خبر وئرین آناسینا
بو گؤزل اؤلدوردو منی
*
او وارلی دیر من سه ساییل
باخدیم اولدوم هاییل ماییل
یا آللاه دیر یا عزرائیل
بو گؤزل اؤلدوردو منی
*
دؤندو گولون بوتاسینا
سالدی منی بلاسینا
خبر وئرین آناسینا
بو گؤزل اؤلدوردو منی
*
اوخویان : علی کرم بایرام اف
*

نه ائیله دیم آی یار

سنه من نه ائیله دیم یار
منی آغلار گونه سالدین
چاتیب ایسته دیگینه اغیار
منی آغلار گونه سالدین
حاضیرام وئریم من جواب
منه واردیرسا سوالین
نه دی آی زولفو گؤزل قیز
سنین او فیکر خیالین
باشیمدان آغلیمی آلدی
او گؤزل حسن و جمالین
ائیلییب درده گرفتار
منی آغلار گونه سالدین
سنه من نه ائیله دیم آی یار
منی آغلار گونه سالدین
چاتیب ایسته دیگینه اغیار
منی آغلار گونه سالدین
بیر دفعه خاطریوا ده یدیم
سنه سؤیله دیم باغیشلا
عوذور ایسته امر ائتدین
سنه سؤیله دیم باغیشلا
گئنه سونرا سن اینجیدین
گئنه سؤیله دیم باغیشلا
سنه وئردیگیم اختیار
منی آغلار گونه سالدی
سنه من نه ائیله دیم آی یار
منی آغلار گونه سالدین
چاتیب ایسته دیگینه اغیار
منی آغلار گونه سالدین
دوشونوردوم او گؤزل دی
او طراوتلی چیچه کدی
نه بیلئیدیم کی یالاندی
نه بیلئیدیم کی کلک دی
کیم اگر سؤیله دی پیس دی
دئدیم اعلا بیر ملک دی
اؤزو گؤیچک ایچی ایدبار
منی آغلار گونه سالدین
سنه من نه ائیلدیم ای یار
منی آغلار گونه سالدین
چاتیب ایسته دیگینه اغیار
منی آغلار گونه سالدین
بیر گون عشق آدلی باغچایا
گیریب ای گل سنی دردیم
سنی تاپدیم سنی گؤردوم
دئدیم کی قالمادی دردیم
آجی هر بیر سؤزونوده
جوابیم جان دئیه وئردیم
نه اساس وار نه سبب وار
منی آغلار گونه سالدین
سنه من نه ائیلدیم آی یار
منی آغلار گونه سالدین
چاتیب ایسته دیگینه اغیار
منی آغلار گونه سالدین
گؤره م کی بویوک آللاه
آلاجاق بیر گون انتقام
اوره گیم برک هیجاندیر
ناراحاتدیر سحر آخشام
گله جک روز قیامت
ائده جکلر سنی اعدام
ائده جکسن نئجه انکار
منی اغلار گونه سالدین
سنه من نه ائیلدیم آی یار
منی آغلار گونه سالدین
چاتیب ایسته دیگینه اغیار
منی آغلار گونه سالدین
اوخویان : نامیق قاراچوخورلو
*